AQSh-ta toǵyz jastaǵy bala alty jastaǵy balany atyp óltirdi

TALLAHASSI.QazAqparat – AQSh-tyń Florıda shtatynda 9 jastaǵy bala úıdiń ishinen taýyp alǵan tapanshamen 6 jasar balany basynan atqan, dep habarlaıdy QazAqparat CNN-ge silteme jasap.

Bala dúısenbi kúni aýrýhanaǵa jetkizilip, artynsha kóp uzamaı qaıtys bolǵan. Oqıǵanyń qalaı bolǵany tekserilip jatyr.
Atys kezinde úıde eresek adam bolǵan, odan jaýap alyndy. Polıtsııa zorlyq-zombylyq belgileri joq ekenin habarlady. Ázir eshkimge aıyp taǵylǵan joq.
Gun Violence Archive uıymynyń málimeti boıynsha, bıyl AQSh-ta 17 jasqa deıingi 1114-ten astam balalar men jasóspirimder atys qarýynan qaza tapty, taǵy 3065 bala jaraqat aldy. Aýrýlardy baqylaý jáne aldyn alý ortalyqtarynyń derekqoryna sáıkes, 2021 jyly 1 men 18 jas aralyǵyndaǵy balalar arasyndaǵy ólimniń shamamen 19%-y atys qarýynan bolǵan.
2020 jyly AQSh-ta basqa sebepterden góri oq jaraqatynan qaza tapqan balalar kóp. Tipti oq tıip qaza tapqandar sany jol-kólik oqıǵasy qurbandarynyń sanynan asyp túsken.