AQSh-ta tırannozavrdyń belgisiz túriniń qaldyqtary tabyldy

<p>Paleontologtar Nıý-Meksıko shtatynan buǵan deıin belgisiz bolǵan tırannozavr túriniń súıekterin tapty. <a href="Kazinform" target="_blank" rel="noopener">Kazinform</a> bul týraly <a href="https://nauka.tass.ru/nauka/19710749" target="_blank" rel="noopener">TASS</a>-qa silteme jasap habarlaıdy.</p>

Zertteýshiler Scientific Reports ǵylymı jýrnalynda jarııalanǵan maqalada bul jańalyq ǵalymdardy ejelgi jyrtqyshtardyń shyǵý tarıhyn ashýǵa jaqyndatatynyn atap ótken. 

- Tırannozavrlardyń paıda bolǵan orny men ýaqyty áli kúnge deıin belgisiz: olar Azııada, qazirgi Soltústik Amerıkanyń batys bóligi Laramıdııada da paıda bolýy múmkin degen boljamdar bar. Biz buǵan deıin Laramıdııa aýmaǵynda koroldik tırannozavrlar paıda bolǵanǵa deıin 6-7 mıllıon jyl buryn ómir súrgen Tyrannosaurus mcraeensis tırannozavryn taptyq, - dep jazady zertteýshiler.

Bul jańalyqty Bat (Ulybrıtanııa) ýnıversıtetiniń dotsenti Nıkolas Longrıchtiń ǵylymı toby osy ǵasyrdyń basynda Nıý-Meksıkonyń ońtústiginen tabylǵan ejelgi tırannozavrlardyń jaq jáne omyrtqa súıekteriniń fragmentterin zertteý kezinde ashty. Bastapqyda paleontologtar olardy koroldik tırannozavrlar tobyna (Tyrannosaurus rex) jatqyzdy. Alaıda ǵalymdardyń basqa toby buǵan kúmán keltirdi.