AQSh-ta sınagogada 11 adamdy óltirgen antısemıt ólim jazasyna kesildi

ASTANA.QazAqparat - AQSh-tyń Pensılvanııa shtatyndaǵy alqabıler soty Robert Boýersti ólim jazasyna kesti. Ol 2018 jyldyń qazan aıynda Pıttsbýrgtegi sınagogada 11 adamdy atyp óltirgen, dep habarlaıdy QazAqparat VVS-ge silteme jasap.

Aıyptaýshy tarap talap etken ólim jazasyna 12 alqabı biraýyzdan sheshim qabyldaýy qajet boldy.

Olar eki kún boıy 10 saǵat talqylaǵannan keıin aıyptyny ólim jazasyna kesý týraly sheshimge keldi.

Sársenbi kúni úkim beısenbi kúni jarııalaý úshin aýdandyq sýdıaǵa berildi.

Boýerstiń «Ómir aǵashy» dep atalatyn evreı qaýymdastyǵynyń 11 múshesin óltirýi - AQSh tarıhyndaǵy eń aýyr antısemıttik qylmys boldy.

Qaza tapqandar 54 pen 97 jas aralyǵyndaǵy adamdar. Taǵy jeti adam, onyń ishinde eki polıtsııa qyzmetkeri jaralanǵan.

Boýerske qatysty úkim - prezıdent Djo Baıden tusyndaǵy alǵashqy federaldy ólim jazasy.