AQSh-ta shokolad fabrıkasynda qýatty jarylys boldy
11:41, 25 Naýryz 2023
ASTANA. QazAqparat – AQSh-tyń Ýest-Redıng qalasynda (Pensılvanııa shtaty) shokolad fabrıkasynda qýatty jarylys bolyp, onyń arty órtke ulasty. Saldarynan eki adam qaza tapty, toǵyz adam joǵaldy. Bul týraly The Associated Press agenttigi jazdy, dep habarlaıdy QazAqparat.
Onyń aqparatynsha, jarylys jergilikti ýaqytpen 16:57-de (Astana ýaqytymen 02:57) bolǵan. Saldarynan fabrıka ǵımaraty opyrylyp, kórshiles ǵımarat zaqymdaldy. Qalalyq polıtsııa bastyǵy Ýeın Holbenniń aıtýynsha, jarylys sebebi ázirge belgisiz.
Ýest-Redıng aýrýhanasynyń baspasóz hatshysy Djessıka Bezler tótenshe jaǵdaıdan 8 adamnyń aýrýhanaǵa túskenin habarlady. Eki adam qaza tapty, toǵyzy izdestirilip jatyr.
NBC 10 telearnasy buǵan deıin kem degende 6 adam zardap shekkenin habarlaǵan edi. Telearna fabrıkanyń ishinde bolǵan qyzmetkerler týraly aqparat keltirilmegen.