AQSh-ta sherýge shyqqandarǵa oq jaýdyrǵan kúdikti ustaldy

NUR-SULTAN. QazAqparat - Chıkago irgesindegi Haılend-park eldi mekeninde táýelsizdik kúnine oraı ótken sherý kezinde oq jaýdyrǵan adam ustaldy, dep habarlaıdy QazAqparat VVS-ge silteme jasap.

Jergilikti polıtsııanyń habarlaýynsha, atysqa kúdikti retinde 22 jastaǵy Robert Krımo III ustalǵan.

Eske salsaq, Chıkago irgesindegi Haılend-park eldi mekeninde táýelsizdik kúnine oraı ótken sherý kezinde belgisiz bireý adamdarǵa oq jaýdyrdy. Oqıǵadan 6 adam mert bolyp, 20-dan astam adam túrli dárejede jaraqat alǵan. Qylmys ornynan vıntovka tabyldy.

Sońǵy ýaqytta AQSh-ta mundaı oqıǵalar jıilep ketti. Tek ótken aıdyń sońyndaǵy demalys kúnderi AQSh-ta 10 óńirde jappaı atys boldy. Odan jeti adam qaza taýyp, 46 adam jaraqat aldy.