AQSh-ta saılaýshylar Baıdenge daýys berdi
Daýys berýden buryn olar shtattaǵy halyqtyń qalaýyna sáıkes Baıden men vıtse-prezıdent laýazymyna kandıdat Kamala Harrıske qoldaý kórsetýge mindettimiz dep jarııalady. Kóptegen saılaýshylar demokratııalyq saılaý naýqanynyń logotıpimen, sondaı-aq Baıden men Harrıs esimderi jazylǵan betperde kıgen.
AQSh-ta Saılaýshylar alqasynyń daýys berýi ótip jatyr, ol 2020 jylǵy prezıdent saılaýynyń jeńimpazyn túpkilikti anyqtaıdy. Jalpy daýys berý nátıjesine sáıkes Alqa quramyn shtattar bıligi anyqtaıdy, onyń resmı qorytyndylaý bir apta buryn aıaqtalǵan.
Daýys berý nátıjesine sáıkes, prezıdent saılaýynda Demokratııalyq partııadan prezıdenttikke úmitker Djo Baıden jeńiske jetti. AQSh-tyń qazirgi prezıdenti jáne Respýblıkalyq partııadan ekinshi merzimge úmitker Donald Tramp óziniń jeńilisin moıyndamady jáne qarsylasyn saılaýdy burmalady dep aıyptady.
Respýblıkashylar 3 qarashada ótken daýys berý nátıjesine qarsy turýǵa tyrysqan shtattarda (Arızona, Vıskonsın, Jordjııa, Pensılvanııa, Nevada) saılaýshylar Djo Baıden men vıtse-prezıdenttikke úmitker Kamala Harrıske daýys berdi. Mıchıgannyń taǵy bir daýly shtatynda saılaýshylarǵa daýys berý jabyq esik artynda ótti.
Saılaýshylar alqasy arqyly AQSh prezıdentin saılaý tártibi 1789 jylǵy Soltústik Amerıka Respýblıkasy tarıhyndaǵy alǵashqy prezıdenttik saılaýdan beri ózgergen joq. Saılaýshylardyń daýys berý nátıjesi qańtardyń basynda resmı túrde jarııalanady.