AQSh-ta sábılerge arnalǵan taǵam tapshylyǵy týyndady
18:22, 27 Mamyr 2022
NUR-SULTAN. QazAqparat – AQSh-qa Eýroodaqtan sábılerge arnalǵan taǵamnyń partııasy jetkizildi. Bul shtattardaǵy sút qospasynyń tapshylyǵy máselesin jeńildetedi degen jospar bar, dep habarlaıdy QazAqparat Euronews saıtyna silteme jasap.
Sábılerge arnalǵan taǵam shyǵarýshy Abbott Nutrition kompanııasynyń Mıchıgandaǵy iri zaýyty aqpan aıynda jabylyp qalǵan. Buǵan sút qospalarynan aýrý qozdyrǵysh bakterııalardyń anyqtalýy sebep bolǵan.
Kompanııa 4 maýsymda zaýytty qaıta iske qosyp, úsh aptadan soń jańa ónimderin dúken sórelerine jetkizýdi josparlap otyr.