AQSh-ta sábı kúninde Qazaqstannan asyrap alynǵan bozbala kóz jumdy

NUR-SULTAN. QazAqparat – AQSh-tyń Massachýsets shtat Ýest-Tısberı qalasynda 17 jastaǵy Devın Aısýlý Takeberı kóz jumdy, dep habarlaıdy The Martha’s Vineyard Times.

Bozbala 1 qyrkúıekte ómirden ótken. Alaıda onyń jeke tulǵasy endi ǵana anyqtalypty. Ólimniń sebebi týraly aqparat joq.

Devın 2001 jyly 16 qazanda Qostanaıda týǵan. Bir jas eki aı tolǵanda amerıkalyq otbasy - Ýeın jáne Ketlın Tekaberı asyrap alǵan.

Ol orta mekteptiń 12-synybynda oqyp júrgen. Qazaqstan týmasy Soltústik Amerıkadaǵy qazaq dıasporasymen baılanysta bolǵan. Dostary kóp bolǵan.

Devın gımnastıkaǵa jáne bı ónerine, sondaı-aq sýret salý men foto túsirýge áýes bolǵan.