AQSh-ta Rojdestvo qarsańynda sońǵy 40 jylda bolmaǵan sýyq bolýy múmkin

ASTANA. QazAqparat – Osy aptada AQSh aýmaǵynan ótetin qatty úskirik eldiń keıbir aımaqtaryna sońǵy qyryq jyldaǵy eń sýyq Rojdestvolyq aýa raıyn ákelýi múmkin, dep habarlaıdy QazAqparat BBC-ge silteme jasap.

Seısenbide sýyq aýa raıy eldiń soltústik-batysyna keldi, sodan keıin shyǵysqa qaraı jyljydy jáne jumaǵa qaraı jarylǵysh tsıklonǵa aınalady dep kútilýde - bul orta endikterde baıqalatyn tabıǵı qubylys, táýlik ishinde tsıklon kúrt kúsheıip, atmosferalyq qysym tez tómendeıdi.

37 shtatta aýa raıynyń qolaısyzdyǵy týraly eskertý jarııalanyp, 90 mıllıonnan astam adam zardap shekti.

Eldiń 80%-ǵa jýyǵy, sonyń ishinde Tehastyń ońtústiginde temperatýra nólden tómen bolady dep kútilýde.

Amerıkanyń orta batysyndaǵy Rojdestvolyq aýa raıy 1980 jyldardyń aıaǵynan bergi eń sýyq aýa raıy bolady dep boljady.

Eń sýyq Rojdestvo, tipti jyly aımaq sanalatyn Florıdada da bolýy múmkin.

AQSh Ulttyq aýa raıy qyzmeti osy aptanyń sońyna qaraı eldiń keıbir aımaqtarynda termometr -45 gradýsqa deıin tómendeıtinin habarlady.

«Eger saqtyq sharalary qabyldanbasa, mundaı kúshti sýyq jel bes mınýttyń ishinde úsikke aınalady, al uzaq áser etkende gıpotermııa men ólimge ákelýi múmkin», - deıdi meteorologtar.

Sınoptıkterdiń aıtýynsha, mundaı aýa raıy birneshe on jyldyqta bir ret bolady.

Kentýkkı men Soltústik Karolına shtattarynda tótenshe jaǵdaı jarııalandy.

Denver men Chıkago áýejaılarynda júzdegen reıster toqtatyldy.

Foto: gettyimages.com