AQSh-ta prezıdent saılaýy bastaldy

<p>ASTANA. KAZINFORM &ndash; AQSh-ta el azamattary kelesi prezıdentin tańdaıtyn saılaý bastaldy. Búkil álem bul úderisti muqııat baqylap otyr, óıtkeni saılaý qorytyndylary halyqaralyq arenadaǵy kúshti ornalastyrýdy ózgertýi múmkin, dep habarlaıdy Kazinform menshikti tilshisi.</p>

El boıynsha saılaý ýchaskeleri 5 qarashada ártúrli ýaqytta ashylady.

Vermont daýys berýdi jergilikti ýaqyt boıynsha tańǵy saǵat 5-te bastaıtyn alǵashqy shtat bolady jáne ol 19:00-ge deıin jalǵasady. Odan keıin tańǵy saǵat 6:00-de Konnektıkýt, Kentýkkı, Men, Nıý-Djersı, Nıý-Iork jáne Vırdjınııa shtattarynda saılaý ýchaskeleri ashylady. Soltústik Karolına, Ogaıo jáne Batys Vırdjınııa shtattarynda saılaý protsesi tańǵy 6:30-da bastalady. 37 shtatta jáne Kolýmbııa okrýginde saılaý tańǵy 7:00 men 10:00 aralyǵynda bastalady. Vashıngton shtaty men Alıaska turǵyndary saǵat 11:00-den, Gavaı halqy saǵat 12:00-den daýys bere bastaıdy.

Amerıkalyq saılaýshylar prezıdenttikke alty úmitkerdiń birine daýys beredi. Olar Kamala Harrıs (vıtse-prezıdent, Demokratııalyq partııa), Donald Tramp (burynǵy prezıdent, Respýblıkalyq partııa), Kornel Ýest (fılosofııa professory, jazýshy, din mamany, hrıstıan sotsıalısti, táýelsiz kandıdat), Djıll Staın (dáriger, Jasyldar partııasy), Cheız Olıver (belsendi, Lıbertarıandyq partııa) jáne Klaýdııa De la Krýz (qoǵamdyq belsendi, shirkeý pastory, Sotsıalızm jáne azattyq partııasy).

AQSh-tyń barlyq azamattary daýys berý úshin osy jyldyń 15 qazanyna deıin tirkelýi tıis bolǵan. Daýys berýge tirkelý úshin AQSh azamaty jáne daýys beretin shtattyń turaqty turǵyny bolýy tıis. Saılaýshy kem degende 18 jasta, aqyl-oıy saý jáne basqa shtatta daýys berý úshin tirkelmegen bolýy shart.

Daýys berý bıýlletenderi aǵymdaǵy jyldyń 16 qazanynan bastap 22 qazanǵa deıin poshta arqyly jiberildi jáne 5 qarashada saǵat 20.00-den keshiktirilmeı jaramdy poshta shtempeli japsyrylyp poshta arqyly qaıtarylýy nemese saılaý kúni daýys berý jáshigine tastalýy tıis.

Elde daýys berý barysyn júzdegen halyqaralyq baqylaýshy qadaǵalap otyr.

Turǵyndar arasynda júrgizilgen saýalnamanyń sońǵy málimetinshe, AQSh vıtse-prezıdenti demokrat Kamala Harrıs saılaý qarsańynda áleýetti saılaýshylar arasynda tanymaldyǵy boıynsha burynǵy respýblıkashyl prezıdent Donald Tramptan tórt paıyzdyq tarmaqqa ozyp ketti. 

NPR, PBS News jáne Marist sollege júrgizgen saýalnamaǵa sáıkes, Harrısti respondentterdiń 51%-y, al Trampty 47%-y qoldady. Taǵy 2 paıyzy basqa kandıdattarǵa daýys berdi.

AQSh-taǵy prezıdent saılaýy Qazaqstanǵa qalaı áser etetini jaıly materıalmen myna silteme arqyly tanysýǵa bolady.