AQSh-ta narazylyq sherýlerinen keıin balmuzdaq ataýy ózgertildi

NЬıÝ-IORK. QazAqparat – Dreyer's Grand Ice Cream kompanııasy osydan 99 jyl buryn oılap tapqan Eskimo Pie fırmalyq balmuzdaǵynyń ataýyn ózgertý týraly sheshim qabyldady, dep habarlaıdy QazAqparat New York Post-qa silteme jasap.

«Biz násildik teńdik máselesin sheshýge septigimizdi tıgizýge tyrysamyz. Bul termın kemsitýshilikti kórsetetinin moıyndaımyz», - delingen kompanııanyń marketıng jónindegi dırektorynyń málimdemesinde.

Táttiniń ataýyn ózgertken kompanııa endi ózderiniń logotıpi men jarnamasyn da aýystyrady.

Amerıkadaǵy polıtsııa qatygezdigi men Qurama Shtattaryndaǵy júıeli násilshildikke baılanysty narazylyq sharalary aıasynda kóptegen saýda markalarynda ózgerister oryn alýda.

Eske sala keteıik, tártip saqshylarynyń qolynan qaza tapqan afrıkoamerıkalyq Djordj Floıdtyń óliminen keıin London men álemniń basqa da elderinde narazylyqtar men tolqýlar bastaldy.