AQSh-ta mektepte atys bolyp, úsh adam qaza tapty

<p>ASTANA. KAZINFORM &mdash; AQSh-tyń Vıskonsın shtatynyń Madıson qalasyndaǵy hrıstıan mektebinde atys bolyp, keminde úsh adam qaza taýyp, taǵy alty adam jaraqat alǵan.</p>

Bul týraly Kazinform BBC-ge silteme jasap habarlaıdy. 

Polıtsııa buǵan deıin bes adamnyń mert bolǵanyn habarlady, biraq keıinirek olardyń sany úsheý ekeni anyqtaldy. 

Jergilikti polıtsııa ókilderiniń habarlaýynsha, qaza tapqandar arasynda shabýylǵa kúdikti kámeletke tolmaǵan bala bar — ol osy mekteptiń oqýshysy bolýy múmkin.

Polıtseıler oqıǵa ornyna jetkenshe kúdikti áldeqashan ólip qalǵany belgili boldy. Bul rette polıtsııa qarý qoldanbaǵanyn habarlady. 

Madıson qalasy — Vıskonsın shtatynyń astanasy.

Buǵan deıin habarlaǵanymyzdaı, Frantsııa prezıdenti Maıottaǵa ushyp, ulttyq aza tutý jarııalaıtyny anyqtaldy.