AQSh-ta maımyl shesheginen alǵashqy kisi ólimi tirkeldi

NЬıÝ-IORK. TASS – QazAqparat – Tehas dárigerleri maımyl sheshegine shaldyqqan patsıenttiń kóz jumǵanyn málim etti. Bul – AQSh-ta osy aýrýdy juqtyrǵannan keıin bolǵan alǵashqy kisi ólimi, dep habarlaıdy QazAqparat TASS agenttigine silteme jasap.

Kóz jumǵan azamat Harrıs okrýginiń turǵyny bolyp shyqty, ol birqatar ilespeli aýrýlardan zardap shekken. Jergilikti densaýlyq saqtaý departamentiniń baspasóz habarlamasynda aıtylǵandaı, maımyl sheshegi naýqas óliminiń negizgi sebebi bolǵan-bolmaǵany áli belgisiz. Patologııalyq-anatomııalyq saraptamanyń nátıjeleri keıinirek jarııalanady.

AQSh-tyń Aýrýlardy baqylaý jáne aldyn-alý federaldy ortalyqtarynyń málimetteri boıynsha, qazirgi ýaqytta elde maımyl sheshegin juqtyrýdyń 18 myńnan astam jaǵdaıy tirkelgen. Aýrýǵa shaldyqqandar sany boıynsha Kalıfornııa jáne Nıý-Iork shtattary kósh bastap tur. Onda sáıkesinshe 3 291 jáne 3 197 jaǵdaı tirkelgen. Tehas shtatynda, sońǵy málimetter boıynsha, 1 604 adamnan maımyl sheshegi anyqtalǵan.

Buǵan deıin álemde maımyl sheshegi aýrýyna shaldyqqandar sany 20 paıyzǵa azaıǵany habarlanǵan bolatyn.

Foto: tass.ru