AQSh-ta lotereıa jeńimpazy 1,3 mlrd dollar utysyn áli alǵan joq

VAShINGTON. QazAqparat – Amerıkada Mega Millions lotereıasynda $1,3 mlrd dollar utyp alǵan jeńimpaz bılet satyp alǵannan beri bir aı ótse de, djekpotyn áli ala almaı júr, dep habarlaıdy QazAqparat CBS News agenttigine silteme jasap.

Ol bıletti Illınoıs shtatynyń Des-Pleıns qalasyndaǵy Speedway janarmaı quıý stantsııasynan satyp alǵan.

Bul – AQSh lotereıasynyń tarıhynda kólemi jaǵynan úshinshi úlken jeke tabys jáne Mega Millions-tyń kólemi jaǵynan ekinshi júlde.

Lotereıanyń Illınoıstaǵy dırektory Garold Maıs: «Jeńimpazdyń júldeli bolǵanynan habary bar ma, joq pa, bilmeımiz» dep, búkil qatysýshylardyń óz bıletin tekserip shyǵýyn ótindi.

Lotereıa erejesine sáıkes, Mega Millions jeńimpazdary júldesin utys oıynynan keıin bir jyl kóleminde alýyna bolady.

Sondaı-aq, aqshany alý mehanızmin (birjolǵy nemese jyl saıynǵy tólem) tańdaýǵa 60 kún bar.

Eger jeńimpaz júldesin almasa, onda osy lotereıaǵa qatysatyn ár shtatqa baıqaý erejelerine sáıkes aqshanyń bir bóligi qaıtarylady.

Qumar oıynǵa 45 shtat, sonymen qatar Kolýmbııa aımaǵy men AQSh-tyń Vırgın araldary qatysyp otyr.

Belgisiz jeńimpaz – Mega Millions-ta oljaly bolǵan jalǵyz adam emes.

Illınoıs qalasyndaǵy bólshek saýdagerler 3,75 mln dollar kóleminde komıssııa tólemi men bıletti satýdan bonýs alǵan.

Al «baqytty» bıletti satqan Speedway janarmaı quıý stantsııasy 500 myń dollar kóleminde bonýs alady.

Mega Millions-ta 1,5 mlrd dollar bolǵan eń úlken djekpotty 2018 jyly Ońtústik Karolına turǵyny jeńip aldy.

Kelesi eń iri utys 2021 jyly 1 mlrd dollar kóleminde boldy.

Vıdeodan alynǵan kadr