AQSh-ta qonaq úıde atys bolyp jatyr

NUR-SULTAN. QazAqparat – AQSh-ta Rokford qalasyndaǵy (Illınoıs shtaty) Super 8 qonaq úıinde belgisiz bireý oq atyp, kem degende bir adam qaza taýyp, ekeýi jaraqat alǵan, dep habarlaıdy QazAqparat CNN-ge silteme jasap.

Bul týraly jeksenbi kúni bolǵan baspasóz máslıhatynda jergilikti polıtsııanyń basshysy Denıel O'Shı málim etti.

Onyń aıtýynsha, polıtseıler jergilikti ýaqytpen tún ortasyna taman oqıǵa ornynda jetken.

Oq jaýdyrǵan adam qonaq úıge tyǵylǵan. Onymen polıtseıler arasynda atys bastaldy.

Telearnanyń kórsetýinshe, oqıǵa bolǵan jerge shuǵyl arnaıy jasaq kelgen.

Bul keleńsiz jaǵdaıdyń sebebi ázirge belgisiz.