AQSh-ta qazaq ádebıetiniń antologııasy tanystyryldy
Oǵan Vashıngtonda tirkelgen qoǵamdyq-saıası jáne akademııalyq orta, dıplomatııalyq korpýs, BAQ, qazaq dıasporasynyń ókilderi, sonymen qatar, óner jáne mádenıetke beıim jandar keldi.
Sharada sóz sóılegen Qazaqstan elshisi Qaırat Omarov qazaqtyń jazýshylary men aqyndarynyń tańdamaly shyǵarmalary engen atalǵan basylymnyń joǵary mádenı baǵasyn atap ótti.
Smıtsonovskıı ınstıtýtynyń Azııa elderi tarıhy baǵdarlamasynyń dırektory Pol Teılor óziniń aldaǵy ýaqytta Qazaqstanǵa baryp, qazaq halqynyń tarıhy men mádenıetimen tereńirek tanysatynyn aıtty. Onyń pikirine qaraǵanda, tanystyrylǵan antologııa mádenıettanýshylar úshin paıdaly quralǵa aınalmaq. Óıtkeni onda qazaqtardyń mádenı ómiri jaıly baı materıaldar jazylǵan.
Antologııany qurastyrýshy Kolýmbııa ýnıversıtetiniń professory Rafıs Abazov rýhanı jáne jalpy adamzattyq qundylyqtar, sonymen qatar moraldyq-etnıkalyq normalar, jınaq basylymynyń tarıhy men maqsaty týraly aıtyp berdi. Qazaq ádebıetiniń biregeı sıpatyn jetkize otyryp, álemdik órkenıettiń ajyraǵysyz bóligi ekendigin atap ótti.
Onlaın-dúkenderden satyp alýǵa bolatyn kitapty qazirdiń ózinde amerıkanyń joǵary oqý oryndarynda oqý quraly retinde qoldanýda. Antologııa osyǵan deıin Astanada maýsym aıynda tanystyrylǵan bolatyn.