AQSh-ta qarý ustaýdy baqylaý kúsheıtilmek

NUR-SULTAN. QazAqparat – AQSh-ta búkil el aýmaǵynda «Óz ómirimiz úshin marshqa shyǵaıyq» mıtıngi ótti. Ol atys qarýyn qoldaný arqyly zorlyq jasaýdy toqtatýǵa jáne elde qarý ustaýǵa baqylaýdy kúsheıtýdi uran etken, dep habarlaıdy QazAqparat Deutsche Welle agenttigine silteme jasap.

«Óz ómirimiz úshin marshqa shyǵaıyq» uıymdastyrýshylarynyń málimetinshe, narazylyq AQSh aýmaǵyndaǵy 450 jerde bir ýaqytta ótken jáne oǵan 50 myńnan astam adam qatysqan. Marsh Tehas shtaty ıÝvalda qalasyndaǵy, Nıý-Iorktiń Býffalo shtatyndaǵy jáne taǵy basqa shtattarda jappaı adam óltirý isinen keıin bastaldy. Budan bólek, demokrattar baqylaıtyn Ókilder palatasy qarý-jaraqty baqylaý týraly jańa zań qabyldady. Biraq Senat qalys qaldy. Kongrestiń joǵarǵy palatasynda qabyldaný úshin kem degende respýblıkashylardyń 10 daýysy qajet. Alaıda olar bul shekteýler AQSh Konstıtýtsııasynyń ekinshi túzetilimin – qarý alyp júrý quqyǵyn buzady dep esepteıdi.

Resmı organdardyń málimetinshe, bıyl AQSh-ta atys qarýyn qoldanýmen baılanysty oqıǵalar saldarynan 19 300-den astam adam mert bolǵan. Olardyń jartysynan astamy óz-ózine qol salǵan.