AQSh-ta ıpotekalyq nesıe mólsherlemeleri 7%-dan asyp, eń joǵary deńgeıge jetti

<p>ASTANA. KAZINFORM &ndash; 30 jyldyq ıpotekalyq nesıeniń mólsherlemesi bir aptada 10 bazıstik tarmaqqa &ndash; 6,99%-dan 7,09%-ǵa deıin kóterildi. Bul týraly Ipotekalyq bankırler qaýymdastyǵy (MBA) málimdemesinde aıtylǵan, dep habarlaıdy Kazinform menshikti tilshisi <a href="https://finance.yahoo.com/news/us-mortgage-rates-top-7-121450156.html?guccounter=1&amp;guce_referrer=aHR0cHM6Ly93d3cuZ29vZ2xlLmNvbS8&amp;guce_referrer_sig=AQAAABcLh2hgcxx9ZAVhNLTDdejkyQxAcqLKeCcdsjtcZuVEBgxOh-6ZO11R7Pe_327RPtJ3UVDbc6GUkXB6wYB1rip_hPOPl1kBjkD0VWjSvZPdm9_7HnOaaCxH67Qb89SErOnGiHJgUqccH79EpAju3nVTsGgcpiSXFaLqQfG6aW6-" target="_blank" rel="noopener">Yahoo Finance</a>-ke silteme jasap.&nbsp;</p>

Birneshe aı ishinde bul kórsetkish alǵash ret 7%-dan asyp, ótken jyldyń qyrkúıek aıymen salystyrǵanda paıyzdyq tarmaqqa joǵary boldy.

Ipotekalyq nesıe mólsherlemesiniń kóterilý sebepteri ınflıatsııa aıasynda AQSh-tyń 10 jyldyq qazynashylyq oblıgatsııalarynyń kiristiliginiń ósýimen, sondaı-aq Federaldy qor júıesiniń paıyzdyq mólsherlemelerdi tómendetý perspektıvasynyń joqtyǵymen baılanystyryp otyr. 

– AQSh-ta jáne shetelde oblıgatsııalardyń kiristiligi ınflıatsııanyń álsiz boljamy jáne bıýdjettiń áli de joǵary tapshylyǵy týraly alańdaýshylyqqa jaýap retinde ósýin jalǵastyrdy, ıpotekalyq nesıe mólsherlemelerin osyǵan baılanysty besinshi apta qatarynan joǵarylap otyr, - dep habarlady MBA bas ekonomısiniń orynbasary Djoel Kan.

Donald Tramptyń ınflıatsııanyń joǵary deńgeıin saqtaýǵa baǵyttalǵan saıasatynan qorqý úı satyp alý ótinimderiniń bir apta ishinde 27%-ǵa jýyq ósýine kómektesti, al qaıta qarjylandyrý mólsherlemesi 43,5%-ǵa kóterildi. Alaıda turǵyn úıdi qarjylandyrýdyń joǵary shyǵyndary men jyljymaıtyn múlik baǵasynyń ósýi bolashaqta áleýetti satyp alýshylardyń kóńilin qaldyrýy múmkin. Ótken jylmen salystyrǵanda ıpotekalyq nesıege ótinim sany 1,8%-ǵa azaıdy.

Buǵan deıin habarlanǵandaı, AQSh-ta nesıe kartasy boıynsha qaryz rekordtyq deńgeıge jetti.