AQSh-ta eki náresteden maımyl sheshegi anyqtaldy
13:28, 25 Shilde 2022
VAShINGTON. QazAqparat – AQSh-ta maımyl sheshegin juqtyrǵan 3 myńǵa jýyq adam tirkelgennen keıin taǵy eki balanyń vırýs juqtyrǵany anyqtaldy, dep habarlaıdy QazAqparat Breitbart basylymyna silteme jasap.
Aýrýlardy baqylaý jáne aldyn alý ortalyqtarynyń dırektory Roshel Ýelenskıı ótken aptada Kalıfornııa men Vashıngtonda eki náresteden maımyl shesheginiń belgileri anyqtalǵanyn aıtty.
Qazirgi ýaqytta balalardyń densaýlyǵy qanaǵattanarlyq, olarǵa vırýsqa qarsy em qabyldanýda.
Patogender jáne patologııa bóliminiń aýrýlardy baqylaý jáne aldyn-alý ortalyǵy dırektorynyń orynbasary, doktor Djennıfer Makkýıston AQSh-taǵy maımyl shesheginiń 2891 jaǵdaıynyń 99 paıyzy LGBT qaýymdastyǵynyń «erkekterimen» baılanysty, qalǵan paıyzy áıelder men transgenderlik erkekterge tıesili ekenin málim etti.
Foto: breitbart.com