AQSh-ta daýyldan keıin qalqyp júrgen tońazytqyshqa jabysqan er adam qutqaryldy

<p>ASTANA. KAZINFORM &ndash; AQSh jaǵalaý kúzeti beısenbi kúni Florıda jaǵalaýynda &laquo;Mılton&raquo; daýylynan keıin cýda qalqyp turǵan termokonteınerge jabysyp alǵan er adamdy qutqarǵanyn habarlady&raquo;, dep jazdy <a href="https://tass.ru/proisshestviya/22097151" target="_blank" rel="noopener">TASS</a> aqparat agenttigi.</p>

«Tikushaq ekıpajy qutqarý kúrteshesin kıip, termokonteınerge jabysyp alǵan er adamdy emdeý úshin Tampa aýrýhanasyna jetkizdi», - delingen qyzmet habarlamasynda.

Qutqarý operatsııasy kezinde zardap shekken er adam – balyq aýlaıtyn kemeniń kapıtany Longboýt-Kı qalasynan 48 shaqyrym jerde bolǵan.

3-shi sanattaǵy «Mılton» daýyly Florıda shtatynyń batys jaǵalaýyna sársenbi kúni keshke Sıesta-Kı qalasy mańynda jetti. Beısenbi kúni tańerteń daýyl birinshi sanatqa deıin báseńsidi.

PowerOutage monıtorıng resýrsynyń málimetinshe, shtattyń 2,7 mln-nan astam turǵyny jaryqsyz otyr. Sońǵy málimet boıynsha, tabıǵı apat saldarynan keminde 14 adam qaza tapqan.

Osyǵan deıin Florıdada «Mılton» daýyly qurbandarynyń sany 14 adamǵa jetkenin jazǵan edi.