AQSh-ta daýyl saldarynan qaza tapqandardyń sany jeti adamǵa jetti

<p>ASTANA. KAZINFORM &ndash; Beısenbi kúni keshke AQSh-tyń Hıýston qalasynda bolǵan joıqyn daýyldan qaza tapqandar sany keminde jeti adamǵa jetti, bul aqparatty juma kúni Harrıs okrýginiń (Tehas shtaty) sherıf basqarmasy rastady, dep habarlaıdy <a href="https://russian.news.cn/20240519/e07e2634c4d1495d8b446198d583039b/c.html" target="_blank" rel="noopener">Sınhýa </a>aqparat agenttigi.&nbsp;</p>

Eldiń Ulttyq aýa raıy qyzmetiniń habarlaýynsha, juma kúni Hıýstonnyń soltústik-batysynda jel jyldamdyǵy saǵatyna 100 mıl bolatyn EF-1 tornadosy tirkelip, ol qala ortalyǵyna jetip, jappaı qıraýǵa ákelgen. 

Hıýston meri Djon Ýıtmır men Harrıs okrýginiń sýdıasy Lına Idalgo jumada ótken birlesken baspasóz máslıhatynda qalpyna keltirý birneshe aptaǵa sozylýy múmkin ekenin málimdedi. 

Aımaqty elektr qýatymen qamtamasyz etetin CenterPoint Energy kompanııasynyń sońǵy málimetterine sáıkes, juma kúni tańerteńgi jaǵdaı boıynsha Hıýston aımaǵyndaǵy 700 myńnan astam adam áli de jaryqsyz otyrǵan. 

Juma kúni Hıýston meri qaladaǵy apat jaǵdaıy týraly deklaratsııaǵa qol qoıyp, daýyldan bolǵan «qıraýdy» «orasan zor» dep sıpattady.

Osy aıdyń basynda Tehastyń shyǵysynda, sonyń ishinde Hıýstonda adam ólimine ákelgen sý tasqyny oryn aldy, aımaqta turǵyndar evakýatsııanyp, mektepter jabyldy.