AQSh-ta buryn-sońdy bolmaǵan qatal qys: 23 adam kóz jumdy

ASTANA. QazAqparat – Qatty aıazǵa ulasqan qysqy sýyq pen damylsyz jaýǵan qar shamamen 250 mln adam turatyn AQSh aýmaǵynyń basym bóligin (el halqynyń úshten ekisi) qamtydy, dep habarlaıdy QazAqparat VVS jańalyqtaryna silteme jasap.

AQSh-tyń 12 shtatynda aýa raıynyń qolaısyzdyǵyna baılanysty eskertý jarııalandy.

Qatty aıaz, ekpindi jel men qalyń qar 23 adamnyń ólimine sebep boldy.

Elde bir jarym mıllıonnan astam adam jaryqsyz qaldy, ótken jumada júzdegen reıs toqtatyldy.

Qatty daýyl Tehastan Kvebekke deıingi 3200 km aýmaqty qamtydy.

AQSh-tyń Ulttyq meteorologııalyq qyzmeti mundaı sýyq el tarıhynda buryn-sońdy bolmaǵanyn aıtady. Sýyq aýa raıy eldiń barlyq aýmaǵyn qamtydy.

«Jarylǵysh tsıklon» AQSh-Kanada shekarasyna, Uly kólder aımaǵyna qarly boran ákeldi.

Kanadanyń basym bóligi de qysqy daýyldyń qursaýynda qaldy.

Qar shamadan tys kóp jaýǵandyqtan aýa raıy jylynǵan jaǵdaıda sel júrý qaýpi bar.

Qysqy boran qurbandarynyń arasynda jol apatynan qaza tapqandar da bar. Aýa raıynyń qolaısyzdyǵyna baılanysty joldardaǵy jaǵdaı birshama qıyndaǵan.

AQSh Ulttyq aýa raıy qyzmeti osy aptanyń sońyna qaraı eldiń keıbir aımaqtarynda aýa temperatýrasy mınýs 45 gradýsqa deıin tómendeıtinin habarlady.

Foto: Leandro Lozada/AFP/Getty Images