AQSh-ta benzın baǵasy rekordtyq kórsetkishke jetti

BRıÝSSELЬ. QazAqparat – Osy aptada AQSh-ta bir gallon benzınniń ortasha baǵasy (bir gallon - 4,54 l) 10 tsentten 4,58 dollarǵa deıin ósti, dep habarlaıdy QazAqparattyń menshikti tilshisi Amerıka avtomobıl qaýymdastyǵyna silteme jasap.

Jańa málimetterge sáıkes, ótken aptada AQSh-taǵy benzınniń jalpy ishki qory 4,8 mıllıon barrelge, 220,2 mıllıon barrelge deıin azaıdy.

Sonymen qatar, benzınge táýliktik suranys 8,7 mıllıonnan 9 mıllıon barrelge deıin ósti.

Osylaısha, usynystyń qysqarýy jáne suranystyń ósýi avtomobıl otynynyń qymbattaýyna ákeldi.

Jaǵdaıdy álemdik naryqtaǵy shıki munaı baǵasynyń ósý serpini qıyndata túsýde. Sársenbide WTI markaly munaı baǵasy 2,81 dollarǵa tómendep, 109,59 dollardy qurady.

Alaıda, janarmaı quıý beketterindegi benzınniń ortasha baǵasy AQSh-tyń ár shtatynda alǵash ret 4 dollardan asty, al benzınniń ortasha ulttyq baǵasy bir gallon úshin 4,567 dollarǵa jetti (bir lıtri - shamamen 1 dollar).

Amerıkalyq avtomobıl qaýymdastyǵynyń (AAQ) málimetinshe, Kanzas, Oklahoma jáne Djordjııa sııaqty keı shtattarda janarmaı baǵasy alǵash ret $4-ten asty, al Kalıfornııa sııaqty basqa shtattarda janarmaıdyń ortasha baǵasy $6,05 qurap otyr.

Keıbir sarapshylardyń boljamynsha, AQSh-taǵy benzınniń ortasha baǵasy tamyz aıyna deıin bir gallon úshin 6 dollardan asýy múmkin.

Janarmaı baǵasynyń ósýi basqa batys elderine de yqpal etti. Ulybrıtanııada avtoáýesqoılar óz baktaryn bir gallon úshin $7,70-ten quıyp júr.

Nıderland pen Germanııada $8,25-ke jetti, al Norvegııa men Danııada bir gallon benzın baǵasy $9-dan asady (bir lıtr úshin shamamen 860 teńge).