AQSh-ta balalary shýlaǵany úshin kelýshilerden aqy alatyn meıramhana bar

<p>AQSh-taǵy meıramhana balalaryn &laquo;tárbıeleı almaıtyn eresekterden&raquo; qosymsha 40 fýnt (shamamen 49 dollar) alyp otyr. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://news.sky.com/story/restaurant-charges-extra-40-to-adults-unable-to-parent-their-children-12995648" target="_blank" rel="noopener">Sky News</a>-ke silteme jasap habarlaıdy.&nbsp;</p>

Ashýly ata-analar keı tutynýshylarynan balalaryn qadaǵalamaǵany úshin aqy alatyn AQSh-tyń Djordjııa shtatyndaǵy Toccoa Riverside meıramhanasyna barmaýǵa shaqyrady. Klıentterdiń biri balalarynyń tártibi jaqsy bolǵanymen, olarǵa aıyppul salynǵanyn aıtty.

Toccoa Riverside meıramhanasy usynǵan as máziriniń tómengi jaǵynda «ata-ana bola almaıtyn eresekter úshin aıyppul» týraly jazylǵan.

Mázirde «Qurmet joq bolsa, qyzmet joq» degen de jazba bar.

Keıbir kelýshiler munda tamaqtanyp, shottaryn tólegen kezde ózderine aıyppul salynǵanyn aıtty.

Kaıl Landmann ınternette qaldyrǵan pikirinde meıramhana ıesi balalarynyń tártibine baılanysty shotyna 50 dollar (£41) qosqanyn jazdy.

Ol balalarynyń tamaq ákelgenshe planshetten vıdeo kórgenin, sosyn ol shotty tólegenshe tynysh tamaqtanyp, dalaǵa shyqqanyn aıtty.

Balalar dastarqannyń bir shetinde otyryp, ózderin jaqsy ustaǵany sonsha, ata-anasy olardyń munshalyqty tártipti bolǵanyna senbegen.

Balalardyń anasynyń aıtýynsha, otbasy tamaqtanyp bolǵan boıda qasyna meıramhana ıesi kelgen. Olar balalarynyń tártibi úshin maqtaý estımiz dep oılady. Alaıda meıramhana ıesi balalarynyń «shýlap», «kóshede júgirip júrgenin» aıtty.

Sky News agenttiginiń tilshileri qosymsha aqparat alý úshin meıramhanaǵa habarlasty, biraq qyzmetkerlerdiń biri meıramhananyń kóptegen jyldar boıy ustanǵan saıasaty týraly túsinikteme bermeıtinin aıtty.