AQSh-ta baǵa ósip jatyr, al ınflıatsııa deńgeıi bir qalypty tur

VAShINGTON. QazAqparat - Sársenbi kúni jarııalanǵan Eńbek statıstıkasy bıýrosynyń málimetterine sáıkes, turǵyn úı men azyq-túlik baǵasynyń kóterilýine qaramastan, shildede ınflıatsııa turaqty boldy, dep habarlaıdy QazAqparat tilshisi ABC News arnasyna silteme jasap.

Eńbek statıstıkasy bıýrosy aı saıyn ınflıatsııanyń qalaı ózgeretinin kórsetetin Tutyný baǵasynyń ındeksin shyǵardy. Benzın baǵasynyń 7,7%-ǵa tómendeýine qaramastan, bul deflıatsııa azyq-túlik pen turǵyn úı baǵasynyń ınflıatsııasy esebinen ótelip, shildede jalpy tutyný baǵalarynyń ındeksi ózgerissiz qaldy.

Maýsym aıymen salystyrǵanda turǵyn úıdi jalǵa alý 0,7%-ǵa, azyq-túlik 1%-ǵa qymbattady.

Jalpy azyq-túlik taýarlary ótken jyldyń sáıkes kezeńimen salystyrǵanda 10,9%-ǵa ósti. Jumyrtqa bir jylda 38%-ǵa qymbattady, odan keıin margarın, un jáne maı baǵasy kóterildi.

Azyq-túlikke jatpaıtyn taýarlar da aıtarlyqtaı ósti. As úıdiń sanıtarlyq jaǵdaıyn saqtaýǵa arnalǵan qolǵap baǵasy 128%-ǵa ósti.

Inflıatsııaǵa tap bolǵan kásiporyndar eki túrli kedergige ushyraıdy. Olarǵa baǵany kóterý arqyly marjany tómendetý nemese shyǵyndardy azaıtýǵa týra keledi. Tehnologııa salasyndaǵy kóptegen kompanııalar sońǵy nusqany – qyzmetkerlerdi jumystan shyǵarýdy tańdady. Azyq-túlik bıznesi shyǵyndardyń bir bóligin tutynýshylarǵa aýystyrý, azyq-túlik taýarlarynyń qunyn arttyrý arqyly marjany tómendetedi.

Foto: abcnews.go.com