AQSh-ta atys saldarynan bes adam qaza tapty

NUR-SULTAN. QazAqparat – AQSh-tyń Ońtústik Karolına shtatyndaǵy Rok-Hıll qalasynda bolǵan atys saldarynan kem degende bes adam, sonyń ishinde eki bala qaza tapty. Bul týraly QazAqparat Fox 13 telearnasyna silteme jasap habarlaıdy.

Quqyq qorǵaý organdarynyń qyzmetkerleri sársenbiniń keshinde turǵyn úıde birneshe adamnyń mert bolǵany týraly habar alǵan soń, birden oqıǵa ornyna shyqty. Oq jaraqatyn alyp qaza tapqan bes adamnyń denesi tabyldy, sonyń ishinde egde jastaǵy er adam men áıel, olardyń nemereleri jáne úılerinde qyzmet etken er adam bolǵan.

Oqıǵa boıynsha tergeý amaldary jalǵastyp jatyr.

Iork okrýgi polıtsııasynyń Twitter-degi paraqshasynda qylmys jasady degen kúdikke ilingen er adamnyń oqıǵa ornyna jaqyn mańdaǵy úılerdiń birinen tabylǵany habarlandy. Onyń ary qaraı taǵdyry ne bolatyny jaıynda aqparat berilgen joq.