AQSh-ta atys bolyp, tórt adam qaza tapty
Alabama shtatynyń Deıdvıll qalasynda 16 jastaǵy jasóspirimniń týǵan kúni keshinde atys boldy. Tórt adam qaza taýyp, birneshe adam jaraqat aldy. Alabamanyń quqyq qorǵaý organdary tergeý júrgizip jatyr.
Oqıǵanyń sebebi habarlanǵan joq. Kúdiktiniń ustalǵan, ustalmaǵany da belgisiz.
WRBL-TV telearnasy atys bı stýdııasynda bolǵanyn habarlady. Qurbandardyń kópshiligi - jasóspirimder.
«Búgin men Deıdvıll turǵyndary jáne Alabamadaǵy otandastarymmen birge aza tutamyn. Zorlyq-zombylyq qylmystaryna bizdiń memleketimizde oryn joq jáne quqyq qorǵaý organdary habarlaǵan jańalyqtardy muqııat qadaǵalaımyz», - dedi Alabama gýbernatory Keı Aıvı áleýmettik jelilerde jarııalanǵan málimdemesinde.
AQSh prezıdenti Djo Baıden atys oqıǵasy týraly habardar, dep habarlady Aq úıden. Ol jaǵdaıdy muqııat qadaǵalap otyrǵanyn jáne qajet bolǵan jaǵdaıda kómek kórsetý úshin jergilikti bılik pen quqyq qorǵaý organdarymen baılanysta ekenin aıtty.
Deıdvıll Alabamanyń shyǵysynda, Montgomerıden soltústik-shyǵysqa qaraı shamamen 57 mıl (92 km) jerde ornalasqan.