AQSh-tyń MEN shtatynda atys bolyp, 16 adam qaza tapty

<p>&nbsp;AQSh-tyń Men shtatyndaǵy Lıýıston qalasynda belgisiz bireý adamdarǵa oq jaýdyrdy. Kem degende 16 adamnyń qaza tapqany habarlandy. <a href="https://kaz.inform.kz/?_gl=1*ve0xir*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTY5ODI4Mjg5Ny40OC4xLjE2OTgyODI5NDQuMTMuMC4w&amp;pk_vid=950730acf4cfe4b61698282951ee3036" target="_blank" rel="noopener">Kazinform</a> agenttigi bul týraly <a href="https://www.bbc.com/russian/articles/cyx17gz0xego" target="_blank" rel="noopener">VVS</a>-ge silteme jasap habarlaıdy.</p>

Polıtsııanyń málimetinshe, qaskóı áli ustalǵan joq.

Shtattyń ekinshi úlken qalasynyń turǵyndaryna qaýipsiz jerlerdi panalaýǵa keńes berildi.

Polıtsııa kúdiktiniń sýretin jarııalady. Aqparatqa sáıkes, oqıǵa «ártúrli jerlerde» bolǵan.

Sondaı-aq, kem degende 50 adamnyń jaraqat alǵany habarlandy, biraq bul aqparat áli rastalǵan joq.

Men shtatynyń ortalyq medıtsınalyq ortalyǵynyń habarlaýynsha, jergilikti bılik «kóptegen adam qaza tapqan úlken atys oqıǵasyna» baılanysty jaqyn mańdaǵy basqa medıtsınalyq mekemelermen kúsh-jigerdi úılestirip otyr.

«Lıýıstonda mergen júr. Turǵyndardan jasyrynýyn suraımyz. Ótinish, úılerińizde bolyńyzdar, esikterińizdi qulyptap alyńyzdar» delingen shtat polıtsııasynyń H áleýmettik jelisindegi paraqshasynda.

Sondaı-aq polıtseıler kúdikti qylmyskerdi anyqtaýǵa kómek surady.

Aq úı prezıdent Djo Baıdenge oqıǵa týraly aqparat berilgenin habarlady.