AQSh-ta altyn qymbattap jatyr

NUR-SULTAN. QazAqparat – Amerıkada altyn quny alty aptalyq maksımýmǵa jetip, bir ýntsııasy 2000 dollardan asty, dep habarlaıdy QazAqparat tilshisi Investing.com saıtyna silteme jasap.

Nıý-Iorktegi Comex-te aıdyń basynda maýsymdaǵy altyn fıýchersteri 11,50 dollarǵa nemese 1,2%-ǵa ósip, sessııalyq maksımým 2000,55 dollarǵa deıin jetti. Maýsymdaǵy altyn ótken aptada 1,7%-ǵa ósip, aldyńǵy aptadaǵy kórsetkishten 1,2%-ǵa artty.

Ótken dúısenbide altyn baǵasy AQSh-tyń 10 jyldyq qazynashylyq oblıgatsııalarynyń kiristiligi 2,884%-ǵa jetýine baılanysty qymbattady. Sońǵy ret altyn 11 naýryzda, Ýkraınadaǵy soǵys bastalǵannan keıin 2 apta ótken soń 2000 dollardan asqan bolatyn.

Qymbat metaldar jónindegi sarapshy Fılıp Steıbldiń aıtýynsha, búgingi altynnyń qubylmalylyǵy belgili bir dárejede ekonomıkalyq jáne saıası alańdaýshylyq týdyrady, óıtkeni Ýkraınaǵa baılanysty geosaıası saldarlar ýshyǵyp ketýi múmkin. Investorlar munyń túbinde retsessııa bolady dep qaýiptenedi.

Sońǵy ret AQSh ekonomıkasy COVID-19 indeti kezinde, 2020 jyldyń naýryz-qyrkúıek aralyǵynda quldyraǵan bolatyn. Osylaısha, altyn eń senimdi aktıv bolyp otyr.