AQSh-ta alǵash ret azotpen tunshyqtyrý arqyly ólim jazasy kesildi

<p>AQSh-tyń Alabama shtatynda alǵash ret sottalǵan adamdy azotpen tunshyqtyrý arqyly ólim jazasyna kesti, dep jazady <a href="https://www.bbc.com/russian/articles/cd1ln9lw5zvo" target="_blank" rel="noopener">VVS.</a></p>

1988 jylǵy áıel adamdy óltirgeni úshin sottalǵan Kennet ıÝdjın Smıt ózine taǵylǵan úkimge úsh ret shaǵymdandy, biraq úsheýi de qabyldanbady.

2022 jyly Smıtti adam óltiretin ınektsııa arqyly óltirmek boldy, biraq protsedýrany júrgizetin mamandar tamyryna ıne kirgize almaǵandyqtan sátsiz aıaqtaldy.

Odan keıin úkimdi oryndaý týraly orderdiń merzimi aıaqtalyp qaldy.

Shtat bıligi Smıt birneshe sekýnd ishinde esin joǵaltyp, az ǵana ýaqyt ishinde óletinin aıtty.

Protsedýra jergilikti ýaqyt boıynsha 19:56-da bastalyp, 29 mınýttan keıin dárigerler Smıttiń qaıtys bolǵanyn habarlady.

Oǵan kıgizilgen maska arqyly denesine azot jiberilip, ol ókpege ótken kezde ottegi yǵysyp, sońy gıpoksııa men ólimge ulasady.

Kýágerlerdiń aıtýynsha, ólim jazasy bastalǵannan keıin Smıt birneshe mınýt boıy es-tússiz bolǵan.

Ólim jazasyna bes BAQ ókili kýáger boldy. Jazaǵa kesilmes buryn Smıtke otbasy músheleri, dostary, din ókili men advokaty kelgen.

Ótken aptada BUU-nyń Adam quqyqtary jónindegi Joǵarǵy komıssary azotpen tunshyqtyryp óltirý - halyqaralyq quqyq boıynsha azaptaý men qatygezdikke teń bolýy múmkin ekenin aıtyp, ólim jazasyn toqtatýǵa shaqyrdy.