AQSh-ta 5 jyl buryn qazaqstandyqty atqan polıtseıge amerıkandyqty qastandyqpen óltirdi degen aıyp taǵyldy

ASTANA. QazAqparat - Beısenbi kúni Portsmýttyń burynǵy polıtseıi Stıven Renkın 2015 jyly 18 jasar amerıkandyq Ýılıam Chepmendi qasaqana óltirdi dep tanyldy.

 Bul týraly  Pilotonline.com.  habarlady.

36 jastaǵy Stıven Renkın 10 jylǵa bas bostandyǵynan aıyrylmaq. 12 adamnan: 7 áıel jáne bes erkekten turatyn alqabıler soty jazany óteý merzimin  usynady.

Alqabıler  sot zalynan shyǵyp, qastandyqpen óltirýge kináli degen úkimdi oqyǵan kezde qaza tapqan Sallı Chepmenniń anasy jylap jiberdi.


Bul amerıkandyq polıtseıdiń óz mansabynda adam ólimimen aıaqtalǵan ekinshi oqıǵa boldy. 2011 jyly Stıven Renkın qazaqstandyq Kırıll Denıakındi 11 ret atyp óltirgen. Onyń qurbandarynyń ekeýi de qarýsyz bolǵan. Ol kezde Renkınnen aıyptyń bárin alyp tastap, polıtseı ózin-ózi qorǵanýǵa májbúr boldy dep aqtap shyqqan edi.

Renkın óz jaǵynan bárin joqqa shyǵarýda, onyń sózine qaraǵanda, polıtseı urlyq týraly dabyldan soń sýpermarkettiń kólik turaǵyna kelip, Chepmendi ustamaq bolǵan kezde ol qarsylyq kórsetken.  

Polıtseı bozbalany basynan  jáne keýdesinen atyp óltirdi. Qarsylasý nebári bir mınýtqa sozylady. Polıtseıdiń sózine qaraǵanda, Chepmen onyń elektr shokerin tartyp alǵan.

Kamerada túsirilgen qaıǵyly jaǵdaı týraly jazba alqabıler sotyna usynyldy.

Renkın, kútilgendeı, shyǵarylǵan úkimge baılanysty shaǵym túsirmek. Sallı Chepmendi qoldaý úshin Qazaqstannan AQSh-qa Kırıll Denıakınniń anasy Elena Denıakına keldi.


  
Foto: theguardian.com @James Jones 

Eske sala ketsek, 2011 jyly 23 sáýirde AQSh-tyń  Vırdjınııa shtatyndaǵy Portsmýt qalasynda birneshe jyl buryn amerıkandyqtyń oǵynan qaraǵandylyq Kırıll Denıakın mert bolǵan edi.

Stıven D. Renkın 26 jasar qazaqstandyqqa tapansha oqtizerindegi bar oqpen atqan. Qazaqstandyqtyń kórshileri qatelikpen ony ury dep oılaǵan.

Týys-týystarynyń  aıtýynsha, Kırıll AQSh-qa «Work & Trave» baǵdarlamasy boıynsha ketken. Artynan  osy elde qalýǵa uıǵaryp,  qonaqúıde aspaz bolyp jumys istegen.

Alqabıler sotynyń  sheshimimen Qazaqstan azamaty Kırıll Denıakındi óltirý boıynsha qylmystyq is jabylǵan.

Denıakın januıasynyń múddesin eki amerıkandyq advokat qorǵady. Azamattyq talapta $22 mln materıaldyq jáne moraldyq shyǵyn kórsetilgen. 

Foto: pilotonline.com