AQSh sportshylary Almatyǵa kelgen sáttegi áserli vıdeomen bólisti

ASTANA. QazAqparat - Almatyda jalaýy jelbiregen Búkilálemdik 28-shi qysqy Ýnıversıada oıyndaryna kelgen AQSh quramasy ońtústik astanamyz ben Atletıkalyq qalashyq týraly vıdeo túsirdi, dep habarlaıdy QazAqparat.

Feısbýk áleýmettik jelisine Almatydaǵy AQSh konsýldyǵynyń resmı paraqshasy júktegen vıdeony 32 myńnan astam adam kórgen.

«AQSh quramasynyń Almatydaǵy Ýnıversıada-2017 jarysyna kelgen sátinen alǵashqy vıdeony tamashalańyzdar. Bizdiń paraqshamyzǵa tirkelip, Ýnıversıada kezindegi eń qyzyqty sátterge kýá bolyńyzdar. Almatydaǵy AQSh konsýldyǵynyń Instagram áleýmettik jelisindegi paraqshasy  @USCGAlmaty amerıkandyq sportshylarǵa berdik, sondyqtan, qyzyqty oqıǵalardy jiberip almańyzdar»,-dep jazǵan konsýldyq qyzmetkerleri. 
 

AQSh Konsýldyǵy Ýnıversıada kezindegi jańalyqtardy #universiade2017 #usateam #uskz hesh-tegi boıynsha taratyp otyrady.

Konsýldyqtyń aqparatyna súıensek,  Qazaqstandaǵy AQSh Elshisi Djordj Krol, AQSh-tyń Bas konsýly Mark Mýdı 29 qańtar kúni hokkeıden AQSh-tyń áıelder quramasyna jankúıer bolǵan. Reseı Federatsııasy men AQSh quramalary arasyndaǵy jarysta Reseı komandasy 7:1 esebimen Amerıka quramasyn utqan.