ASTANA. KAZINFORM – AQSh áskerıleri Sırııadaǵy 75-ten astam nysanaǵa, sonyń ishinde «Islam memleketi» halyqaralyq lańkestik uıymynyń (Qazaqstanda tyıym salynǵan - red.) lagerleri men sodyrlaryna birneshe ondaǵan áýe soqqysyn jasady, dep habarlaıdy Azerbaycan 24.
Bul týraly «H» áleýmettik jelisinde AQSh Qarýly kúshteri Ortalyq qolbasshylyǵy (CENTCOM) málimdedi.
«CENTCOM kúshteri 8 jeltoqsanda DAISh lagerleri men sodyrlaryn talqandaý maqsatymen birneshe ondaǵan dáldigi joǵary áýe shabýylyn jasady», - deliingen jarııalanymda.
Operatsııa barysynda B-52 strategııalyq bombalaýshy ushaqtary, F-15 joıǵysh ushaqtary jáne A-10 shabýyldaý ushaqtary arqyly 75-ten astam nysanaǵa soqqy jasaldy.
Eske sala keteıik, buǵan deıin Izraıl áskeri Golan syrtyndaǵy Sırııa aýmaǵyna kirgenin jazǵan edik.
Zarına Týǵanbaeva
L.N. Gýmılev atyndaǵy Eýrazııa Ulttyq ýnıversıtetiniń túlegi. Eńbek jolyn Aqmola oblysy Tselınograd aýdandyq «Uran», «Prızyv» gazetterinde tilshi bolyp bastaǵan. Kazinform aqparat agenttiginde 2011 jyldan beri qyzmet atqaryp keledi.