AQSh senatorlary Boeing basshylyǵyna qatysty qatań sharalar qabyldaýǵa shaqyrdy

<p>ASTANA.KAZINFORM &mdash; Eki amerıkalyq senator Ádilet departamentinen Boeing kompanııasynyń basshylaryna qatysty qatań shara qabyldaýdy jáne olardy kompanııa ushaqtarynda týyndaǵan qaýipsizdik máseleleri úshin qylmystyq jaýapkershilikke tartýdy surady, dep jazady <a href="https://www.golosameriki.com/a/senators-ask-justice-department-to-take-tougher-action-against-boeing-executives-over-safety-issues/7810225.html" target="_blank" rel="noopener">golosameriki.com</a>.</p>

Demokratııalyq senatorlar Elızabet Ýorren men Rıchard Blýmental bas prokýror Merrık Garlandqa joldaǵan hatynda mınıstrliktiń kompanııany ózgertýge baǵyttalǵan burynǵy áreketteri «vedomstvo jaýapty adamdardy qylmystyq jaýapkershilikke tartpaı soza berýine baılanysty» sátsiz aıaqtalyp keledi dep málimdedi.

«Uzaq ýaqyt boıy korporatsııa basshylyǵy qylmystyq jaýapkershilikten jaltaryp keldi. Bul tutynýshylar men jumysshylardyń qaýipsizdigine nuqsan keltiredi jáne ony toqtatý kerek», — dep jazdy senatorlar.

Boeing túsinik berýden bas tartty.

Kelesi aptada 346 adamnyń ólimine sebep bolǵan 737 Max ushaǵynyń apatqa ushyraýyn tergeýge qatysty qastandyq aıyptary boıynsha federaldy tyńdaý ótedi. Osy úlgide eki laıner apatqa ushyraǵan bolatyn.  

Ushaq apatynda qaza tapqan keıbir jolaýshylardyń otbasylary kelisimge qarsylyq bildirip otyr. Olar kompanııa sot aldynda jaýap berip, tıisti jazasyn alǵandaryn qalaıdy. 

Ádilet departamenti sot qujattarynda retteýshilerdi aldaý úshin sóz baılasý — eń aýyr aıyp ekenin aıtty. Prokýrorlar Boeing áreketteriniń 2018 jyly Indonezııada jáne 2019 jyly Efıopııada apattarǵa sebep bolǵany týraly dálelderi joq ekenin aıtty.