— Júregim toly rızashylyqpen, sizderdiń ókilińiz retinde qyzmet etetin sońǵy jylymdy asyǵa kútemin, — dedi Pelosı saılaýshylaryna arnaǵan vıdeoúndeýinde.
85 jastaǵy kongressvýmenniń ókilettik merzimi 2027 jyldyń qańtar aıynyń basynda aıaqtalady.
Pelosı Kongreste 38 jyl eńbek etti. Ol alǵash ret 1987 jyly Kalıfornııa shtatynan Ókilder palatasyna saılanyp, bul qyzmetti atqarǵan alǵashqy áıel atandy. Saıasatker spıker laýazymyn eki ret ıelendi: 2007–2011 jáne 2019–2023 jyldary.
Kalıfornııa atynan ol Ókilder palatasyna 20 ret qaıta saılanǵan, sońǵy ret 2024 jyly.
2022 jyly respýblıkashyldar jeńiske jetkennen keıin Pelosı spıker qyzmetinen ketken edi.
Aıta ketelik Kongrestiń eki palatasy «Djekson-Venık» zańynyń kúshin joıý týraly zań jobalaryn engizdi.