AQSh professory «Uly dala» festıvaliniń ashylýymen qazaq tilinde quttyqtady

PAVLODAR. QazAqparat - Pavlodarda «ULY DALA» halyqaralyq etnofestıvali sheńberinde «ULY DALA MURASY: TARIH, TULǴA, TAǴYLYM» atty halyqaralyq ǵylymı-tájirıbelik konferentsııasy bastaldy, dep habarlaıdy pavlodarnews.kz.

Estaı atyndaǵy mádenıet saraıynda ótip jatqan jıynǵa kórnekti ǵalymdar, til mamandary, ádebıet synshylary qatysýda. Oblys ákimi Bolat Baqaýov qonaqtar men qatysýshylardy konferentsııanyń ashylýymen quttyqtap, óńirimizdegi mereıtoılar aıasynda atqarylǵan isterge toqtaldy.

- Aımaǵymyzda dástúrge aınalǵan «ULY DALA» festıvali aıasynda óńirimizden shyqqan belgili tulǵalarǵa arnalǵan halyqaralyq konferentsııaǵa qosh keldińizder, - Babalarymyz qaldyrǵan asyl muralar Pavlodar úshin ǵana emes, jalpy qazaq úshin baǵa jetpes qazyna dep bilemin. Bıyl biz mereıtoılardy ótkizý barysynda birqatar mańyzdy isterdi atqardyq. Atap aıtar bolsaq, Baıanaýyl aýdanynyń Teńdik aýylynda Musa Shormannyń kesenesi boı kóterýde. Aqtoǵaı aýylynda Estaı Berkimbaıulynyń kesenesine jańartý jumystary júrgizilip, tas joldar salý júzege asýda. Ekibastuz qalasynyń ólketaný mýzeıinde Estaı Berkimbaıulyna arnalǵan jeke zal ashyldy. Sonymen qatar, sol qaladaǵy balalar mýzyka mektebine Estaıdyń aty berildi. Máshhúr Júsiptiń 20 tomdyǵy tsıfrlandyrylyp, halyqqa taratyldy. Osy jyly Sultanmahmut Toraıǵyrov atyndaǵy mýzeı kúrdeli jóndeýden ótip, qajetti jabdyqtarmen qamtamasyz etildi. Aqynnyń týǵan aýylynda jaryqtandyrý, jol jóndeý, kórkeıtý syndy jumystar atqaryldy. Budan bólek, mereıtoı ıelerine arnalǵan aqyndar aıtysy, músháıra, jyrshylar baıqaýy syndy respýblıkalyq birqatar sharalar ótkizildi. Osynyń barlyǵy rýhanı baǵytta jáne babalarymyzdyń muralaryn urpaqqa jetkizý jolynda jasalyp jatyr. Óıtkeni rýhanı baılyǵymyzdyń keń bolǵany barshamyzǵa mańyzdy. Búgingi konferentsııaǵa alys-jaqynnan kelgen barsha qonaqtarǵa alǵysymdy bildiremin. Bárińizge tolaıym tabys, isterińizge sáttilik tileımin! Sonymen qatar, sheteldik ǵalymdar konferentsııa qatysýshylaryna beıne jazba arqyly quttyqtaýlaryn joldady. Onyń ishinde AQSh-tyń Indıana shtaty Blýmıngton qalasyndaǵy ýnıversıtettiń professory, saıası ǵylymdarynyń doktory Fıerman Vılıamm óz sálemin qazaq tilinde jetkizdi», - dedi Bolat Baqaýov. 

  «Sizdermen birge merekege kýá bola almaıtynym ókinishti. «Uly dala» eli festıvaline qatysýshylardyń barlyǵyn osyndaı aıtýly kúnmen quttyqtaımyn. Basty qundylyqtardyń biri - salt-dástúrdi saqtap, tarıhty zertteý. Búgingi konferentsııaǵa qatysýshylardyń barlyǵyna sáttilik tileımin!»,-delingen professordyń quttyqtaýynda.

 Aıta keteıik, «ULY DALA MURASY: TARIH, TULǴA, TAǴYLYM» halyqaralyq ǵylymı-tájirıbelik konferentsııasyna AQSh, Vengrııa, Reseı, Mońǵolııa, Lıtva, Ýkraına jáne Qazaqstannan 130-dan astam maqala kelip túsken. Konferentsııaǵa 1000-ǵa jýyq adam qatysýda.