AQSh prezıdenti men birinshi hanymy 2022 jyly 580 myń dollar tabys tapty

VAShINGTON. QazAqparat – AQSh prezıdenti Djo Baıden men birinshi hanym Djıll Baıden seısenbide 2022 jylǵy federaldyq tabys salyǵy boıynsha dekralaratsııasyn jarııalady. Oǵan sáıkes, jalpy kiris 579 514 dollar dep kórsetilgen. Bul týraly QazAqparat NBC News-ke silteme jasap habarlaıdy.

Erli-zaıyptylar 137 658 dollar federaldy tabys salyǵyn tóledi, onyń mólsherlemesi 2021 jyly 25% quraǵan bolatyn. Olar, sondaı-aq, Delaverde 29 023 dollar tabys salyǵyn jáne Vırdjınııada Djıll Baıdenniń jalaqysynan Soltústik Vırdjınııa qoǵamdyq kolledjinde sabaq bergeni úshin 3 139 dollar tóledi.

Djo Baıden AQSh prezıdenti retinde jylyna 400 myń dollar jalaqy alady jáne oǵan Kongress belgilegen 50 myń dollar shyǵyn ústemesi beriledi.

Baıden 2022 jyly 20 qaıyrymdylyq uıymyna 20 180 dollar jarna tólegen, sondaı-aq Bo Baıden qoryna 5 myń dollar kóleminde qaıyrymdylyq jasaǵan.

2021 jyly Baıdender 610 702 dollar kiris týraly habarlady, bul 2022 jylǵy kórsetkishten shamamen 31 myń dollarǵa joǵary.

Aq úıdiń málimdemesinde Baıden bıyl 25 jyldyq salyq deklaratsııalaryn kópshilik aldynda bólisken.