AQSh prezıdenti Qazaqstanǵa kele me – Elshi jaýaby

<p>Qazaqstandaǵy AQSh elshisi Denıel Rozenblıým tilshilermen ótkizgen dóńgelek ústel otyrysynda AQSh prezıdenti Djo Baıdenniń Ortalyq Azııaǵa sapary jóninde suraqtarǵa jaýap berdi, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></p>

«Ortalyq Azııa elderiniń Táýelsizdik alǵanyna 30 jyldan asty, biraq birde-bir AQSh kóshbasshysy bul aımaqqa kelmedi. Aldaǵy ýaqytta mundaı jospar bar ma?», - dep suraq qoıdy tilshiler.

Óz jaýabynda AQSh elshisi dál qazir esh málimdeme jasaı almaıtynyn jetkizdi.

«Degenmen, mundaı yqtımaldyq bar ekenin atap ótkim keledi. AQSh-tyń joǵary bıligi tarapynan Qazaqstanǵa jáne Ortalyq Azııaǵa úlken qyzyǵýshylyq baıqalýda. Sondyqtan, Prezıdent sapary boıynsha yqtımaldyq bar», – dep jaýap berdi Denıel Rozenblıým.

Eske sala ketsek, ótken aptada AQSh Prezıdenti Djo Baıden «S5+1» formatynda alǵash ret Qazaqstan, Qyrǵyz Respýblıkasy, Tájikstan, Túrikmenstan jáne Ózbekstan prezıdentterimen kezdesý ótkizgen edi. Sarapshylar muny tarıhı sát dep baǵalady.