AQSh prezıdenti Djo Baıden koronavırýsqa shaldyqty — Aq úı

<p>ASTANA.KAZINFORM &ndash; Aq úıdiń baspasóz hatshysy Karın Jan-Per sársenbi kúni Baıdenniń syrqaty jeńil túrde ótip jatqanyn habarlaǵan bolatyn. Ol buǵan deıin prezıdentke negizgi ári densaýlyǵyn nyǵaıtatyn ekpe egildi dep sendirgen edi. Bul týraly <a href="https://www.bbc.com/russian/articles/cgr5mql41l7o" target="_blank" rel="noopener">BBC </a>jazdy.&nbsp;</p>

81 jastaǵy Baıden sársenbi kúni Las-Vegaste ótken saılaý aldy sharaǵa qatysty. Jospar boıynsha ol keshkilik Las-Vegaste minberde sóz sóıleýi tıis edi, alaıda endi sóz sóılemeıtin boldy. 

Jan-Perdiń sózinshe, prezıdent Delaver shtatyndaǵy óz úıinde karantınge jabylyp, oqshaýlanǵandy jón kórgen. Dese de óziniń laýazymdyq mindetterin atqara bermekshi. 

Baıdenniń dárigeri Kevın O’Konnor pressaǵa prezıdentte muryn bitelý men jótel bar ekenin ári ol Paxlovid preparatyn qabyldap jatqanyn habarlady. Ol basynda ózin jaqsy sezingen, alaıda kezekti saraptama nátıjesi onyń qaıtadan koronavırýs juqtyryp alǵanyn kórsetken. 

Baıdenniń Las-Vegasqa barǵan saparyn BAQ betterinde jazǵan tilshilerdiń sózinshe, ol ushaqqa óte baıaý qarqynmen ári saqtyq saqtap kóterilgen. 

AQSh-taǵy Demokratııalyq partııanyń jetekshi saıasatkerleri men atalǵan partııanyń jaqstastary Djo Baıdennen prezıdenttik saılaýdan bas tartýǵa shaqyrdy. Olardyń pikirinshe 81 jastaǵy saıasat ardageriniń kúshi Donald Tramppen teke-tiresýge jetpeıtinin, tipti jetken jaǵdaıda taǵy da tórt jyl el basqarýǵa áli kelmeıtinin meńzedi.    

Alaıda, Baıden qarashada bolatyn saılaýǵa qatysýdan bas tartqysy joq.