AQSh pen Úndistan saýda salasyndaǵy yntymaqtastyqty kúsheıtedi

ASTANA. QazAqparat –Vashıngtonda saýda saıasaty jónindegi AQSh-Úndistan forýmy ótti. Mınıstrler deńgeıinde ótkizilgen jıynda eki er arasyndaǵy 2023 jylǵa arnalǵan yntymaqtastyqtyń basymdyqtary aıqyndaldy, dep habarlaıdy QazAqparat tilshisi.

Amerıka Qurama Shtattarynyń saýda ókili Ketrın Taı men Úndistannyń Saýda jáne ónerkásip mınıstri Pııýsh Goıal ekijaqty saýda qatynastaryn nyǵaıtý týraly pikir almasty.

Mınıstrler 2021 jyly shamamen 160 mıllıard dollarǵa jetken taýar aınalymynyń ósimin joǵary baǵalap, ekijaqty saýdany ulǵaıtý jáne ártaraptandyrý maqsatynda yntymaqtastyqty odan ári jandandyrýǵa nıet bildirdi.
AQSh pen Úndistan ózara tarıfterdi tómendetý, saýda men qyzmet kórsetýdi jeńildetý, tsıfrlyq saýdany damytý, aýylsharýashylyq ónimderine qol jetkizý, stýdentterdiń jáne ınvestorlardyń qozǵalysyn jeńildetý úshin vıza rásimderimen baılanysty sheshilmegen saýda máselelerin sheshý úshin birlesip jumys isteýdi jalǵastyrýǵa ýaǵdalasty.

Foto: istockphoto.com