AQSh pen Ortalyq Azııa TIFA kelisimi negizinde yntymaqtastyqty nyǵaıtýǵa múddeli

VAShINGTON. QazAqparat – Keshe AQSh-tyń Saýda ókildigi Ortalyq Azııa men AQSh arasyndaǵy saýda jáne ınvestıtsııalar týraly negizdemelik kelisim (TIFA) Keńesi otyrysynyń qorytyndysyn jarııalady, dep habarlaıdy QazAqparat tilshisi.

Kezdesýge qatysýshylar TIFA mindettemeleri aıasynda keńeske múshe elder arasyndaǵy saýda jáne ınvestıtsııalar baǵytyndaǵy yntymaqtastyqty keńeıtýge ýaǵdalasty.

Atap aıtqanda, taraptar jumys kúshi, áıelderdiń ekonomıkalyq múmkindigin arttyrý, zııatkerlik menshik, saýdadaǵy tehnıkalyq kedergiler, sanıtarlyq jáne fıtosanıtarlyq sharalar jáne tsıfrlyq saýda men kedendik protsedýralarǵa qatysty máselelerdi talqylady.

Kezdesý kezinde AQSh tarapy Ortalyq Azııadaǵy ekonomıkalyq reformalardy joǵary baǵalap, birqatar sala boıynsha qoldaý kórsetetinin atap ótti. Delegatsııa ókilderi «C5+1» aımaqtyq platformasy aıasynda ekonomıkalyq ósimdi yntalandyrý boıynsha qosymsha kúsh salýǵa ázir ekenderin málimdedi.

Buǵan qosa, keńeske qatysýshylar byltyr TIFA janyndaǵy tsıfrlyq saýda jónindegi jumys toby qurylǵanyn atap ótti. ıAǵnı, oǵan saı taraptar tsıfrlyq ekonomıkany retteıtin sharalardy ázirleý, shaǵyn jáne orta bıznestiń jahandyq naryqtarǵa qatysýyn qamtamasyz etý úshin múddeli taraptarmen keńes ótkizý týraly kelisimge keldi.

Sonymen qatar, TIFA-ǵa múshe elder Ortalyq Azııa AQSh-tyń Jalpy preferentsııalar júıesi (GSP) baǵdarlamasyn qaıta qolǵa alýyn qoldaıtynyn jáne oǵan múddeli ekenin bildirdi. Bul óz kezeginde seriktestik salalaryna jáne ekonomıkalyq ósimge yqpal etpek.

Rústem Qojybaev