AQSh pen NATO Aýǵanstandaǵy bazalarynan áskerin shyǵara bastady

NUR-SULTAN. QazAqparat – Aýǵanstanda birqatar sheteldik bazany evakýatsııalaý bastaldy. Bul jaıynda BAQ ókilderine Aýǵanstandaǵy NATO jáne AQSh áskerleriniń qolbasshysy Skott Mıller málim etti, dep habarlaıdy QazAqparat Anadoly agenttigine silteme jasap.

Onyń aıtýynsha, sheteldik derjavalar ózderiniń barlyq bazasyn aýǵan kúshterine beretin bolady. Sonymen qatar Mıller aýǵan kúshteriniń qaýipsizdigine qoldaý kórsetý sheteldik áskerler shyǵarylǵannan keıin de jalǵasatyndyǵyn aıtty. Munan bólek ol búkil elde tálibter tarapynan zorlyq-zombylyq oqıǵalarynyń jıilep ketkendigin jáne bul beıbit protsesske áser etýi múmkin ekendigin atap ótti.

«Eger sheteldik áskerler shyǵarylǵannan keıin zorlyq-zombylyq arta tússe, onda bul búkil óńirge qater tóndiretin bolady», - dedi Mıller.

Aıta keteıik, 14 sáýir kúni AQSh Prezıdenti Djo Baıden 11 qyrkúıekke deıin Aýǵanstandaǵy áskerin tolyqtaı shyǵaratyndyǵyn málimdegen edi.