AQSh pen Kanadada sýyqtan kóz jumǵandar sany 56 adamǵa jetti

ASTANA. QazAqparat –AQSh pen Kanadada jaýǵan qalyń qar men sýyqtan 250 mıllıon adam turatyn (el halqynyń úshten ekisi) aýmaq zardap shegýde, dep habarlaıdy QazAqparat VVS silteme jasap.

AQSh-tyń 12 shtatynda aýa raıyna baılanysty eskertý jarııalandy. AQSh-tyń ulttyq meteorologııalyq qyzmeti elde buryn-sońdy bolmaǵan qys bolyp jatyr dep tujyrymdady. Qatty soqqan qarly boran soltústiktegi Kanadadan ońtústiktegi Rıo-Grandege deıingi aralyqty qamtydy.

AQSh pen Kanadadaǵy aýa raıynyń qolaısyzdyǵynan 56 adam qaza tapty.

Ásirese Nıý-Iork shtatyndaǵy Býffalo qalasynda jaǵdaı asa aýyr. Shtat gýbernatory Ketı Hoýldyń aıtýynsha, qaza tapqandardyń kóbi jol-kólik oqıǵasynyń qurbandary. Jol-kólik qozǵalysy qatty qıyndaǵan. Onyń aıtýynsha kóptegen jedel járdem kólikteri zardap shekken aımaqtarǵa jete almaı, qarǵa batyp qalýda. Boranǵa baılanysty Vermont, Ogaıo, Mıssýrı, Vıskonsın, Kanzas jáne Kolorado shtattarynda da adam ólimi tirkeldi. Ońtústik Florıdada temperatýranyń aıtarlyqtaı tómendeýinen ósimdikter zatty zardap shekken.

Buǵan deıin AQSh-taǵy qarly boran saldarynan 30-ǵa jýyq adam qaza tapqanyn habarlaǵan bolatynbyz.

Foto: GETTY IMAGES