AQSh pen Iran Tramp kezinde dıplomatııalyq kelisimge kelýi múmkin

<p>ASTANA. KAZINFORM — Vashıngton men Tegeran «ózara arazdyqqa» qaramastan, Donald Tramptyń ekinshi merziminde aqyr sońynda dıplomatııalyq kelisimge kelýi múmkin. Bul týraly beısenbide Wall Street Journal jazdy, dep habarlaıdy <a href="https://tass.ru/mezhdunarodnaya-panorama/22349919" target="_blank" rel="noopener">TASS</a> aqparat agenttigi. </p>

Atap ótilgendeı, Tramptyń memleket basshysy bolǵan birinshi kezeńinde onymen birge jumys istegenderdiń keıbiriniń AQSh-Iran qarym-qatynasyndaǵy mundaı damýdy joqqa shyǵarmaıdy.

Bul rette, Pentagonnyń burynǵy joǵary laýazymdy qyzmetkeri Maıkl Malroı basylymǵa aıtqandaı, Tramp mámileler jasaǵandy unatady, biraq tek «bul onyń kelisimi bolsa».

Sonymen qatar, The Wall Street Journal aqparat kózderiniń habarlaýynsha, Tramp Iranǵa qarsy sanktsııalyq qysymdy baıypty túrde qataıtyp, onyń munaı jetkizý múmkindigin toqtatýdy josparlap otyr. Iran munaıy jetkiziletin Qytaı porttary da sanktsııaǵa ushyraýy múmkin.

«Meniń oıymsha, siz sanktsııalardyń qaıtarylǵanyn kóresiz jáne olardyń (Tramptyń jańa ákimshiligi — TASS) dıplomatııalyq jáne qarjylyq turǵydan Irandy qalaı oqshaýlaýǵa tyrysatynyn kóresiz», — dedi Aq úıdiń burynǵy qyzmetkeri gazetke.

Iran prezıdenti Masýd Pezeshkıan buǵan deıin málimdegendeı, Tegeran kórshiles jáne ıslam elderimen seriktestikti keńeıtýge nıetti jáne ol úshin Amerıkanyń jańa kóshbasshysy kim bolatyny mańyzdy emes. Iran Reseıdi kórshi memleketterdiń biri dep sanaıdy.

Buǵan deıin habarlaǵanymyzdaı, AQSh aktsııalary Tramp jeńisi jarııalanǵannan keıin kóterildi.