AQSh Memlekettik departamenti Grýzııamen strategııalyq seriktestikti toqtatqanyn málimdedi

<p>ASTANA. KAZINFORM &ndash; Vashıngton Grýzııa bıliginiń eldiń EO-ǵa kirýi jónindegi kelissózderdi toqtatý týraly bastamasyna jáne Tbılısıdegi narazylyq aktsııasyna qatysýshylardy qatań túrde basyp-janshýyna baılanysty Tbılısımen áriptestigin toqtatý týraly sheshim qabyldady, dep habarlaıdy Kazinform agenttigi.</p>

Amerıka Qurama Shtattary ózderiniń negizgi prıntsıpterin buzǵan Grýzııamen strategııalyq seriktestigin toqtatty. Bul týraly 30 qarashada AQSh Memlekettik departamentiniń ókili Mettıý Mıller habarlady. Resmı málimdeme departamenttiń saıtynda jarııalanǵan.

- Vashıngton men Eýropalyq Odaq «Grýzın armany» partııasynyń EO-men ıntegratsııa protsesin toqtatý týraly sheshimine ókinish bildiredi, - delingen mátinde.

Mettıý Mıllerdiń aıtýynsha, halyqtyń basym kópshiligi Eýropamen ıntegratsııany qoldaıdy. Vashıngton grýzın bıligin «óz pikirin bildirý úshin beıbit sherýge shyqqan halyqqa kúsh qoldandy» dep aıyptady.

AQSh Memlekettik departamentiniń ókili Grýzııa úkimetin eýroatlantıkalyq damý jolyna oralýǵa, sońǵy parlamenttik saılaýdaǵy zańbuzýshylyqtardy ashyq tergeýge jáne «sóz bostandyǵyn shekteıtin antıdemokratııalyq zańdardy» joıýǵa shaqyrdy.

Aıta keteıik, Grýzııada sońǵy úsh kúnde halyq jappaı mıtıngke shyǵyp jatyr.