AQSh Memlekettik hatshysynyń Qazaqstanǵa sapary aıasynda qandaı máseleler qaralady
Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.
«Bıyl 28 aqpanda AQSh Memlekettik hatshysy Entonı Blınkenniń Qazaqstanǵa alǵashqy resmı sapary ótedi. Ony elordada Prezıdent Qasym-Jomart Toqaev qabyldaıdy, sondaı-aq Memlekettik hatshymen QR Premer-Mınıstriniń orynbasary-Syrtqy ister mınıstri Muhtar Tileýberdi kelissóz ótkizedi», - dedi resmı ókil vedomstvoda ótken aptalyq brıfıngi barysynda.
Onyń aıtýynsha, dál sol kúni Astanada Blıkenniń qatysýymen Ortalyq Azııa elderi men AQSh syrtqy saıası vedomstvolary basshylarynyń S5+1 formatyndaǵy mınıstrlik kezdesýi ótedi.
«Qazirgi kezde Ortalyq Azııa elderi syrtqy ister mınıstrlikteriniń basshylary atalǵan jıynǵa qatysatyndaryn rastady. S5+1 mınıstrlik kezdesýinde Ortalyq Azııa elderiniń AQSh-pen ekonomıka, energetıka jáne qorshaǵan orta salasyndaǵy yntymaqtastyǵyn odan ári damytý, sondaı-aq terrorızmmen kúres máselelerin talqylaý josparlanyp otyr», - dedi A. Smadııarov.
Budan buryn habarlanǵandaı, AQSh memlekettik hatshysy Entonı Blınken osy jyldyń 28 aqpanynan 3 naýryzyna deıin Qazaqstan, Ózbekstan jáne Úndistanda bolady.