AQSh Memlekettik hatshysy qazaqstandyqtardy Respýblıka kúnimen quttyqtady
«Amerıka Qurama Shtattarynyń atynan Qazaqstan halqyn jaqynda jarııalanǵan 25 qazan – Respýblıka kúnimen shyn júrekten quttyqtaımyn. AQSh Qazaqstannyń egemendigi, táýelsizdigi jáne aýmaqtyq tutastyǵyna beıildiligin qýattaıdy jáne aldaǵy jyldary qarym-qatynasymyz odan ári nyǵaıa túsetinine úmittimiz.
Respýblıka kúni Qazaqstannyń táýelsizdigin jarııalaýǵa arnalǵan. Táýelsizdik alǵannan beri Qazaqstan ıadrolyq qarýdy taratpaý, qarýsyzdaný jáne halyqaralyq beıbitshilik pen qaýipsizdik jolyndaǵy kúsh-jigerdi ilgeriletetin jahandyq dıalogtyń kóshbasshysy bolyp tabylady. AQSh Qazaqstannyń reformalyq kún tártibin tolyqtaı qoldaıdy jáne olardyń naqty, aıqyn áreketter arqyly tutastaı júzege asyrylýyn maquldaımyz. Qazaqstan Ortalyq Azııa júreginde ekonomıka jáne kommertsııada baǵaly seriktes bolyp tabylady jáne biz onyń óńirdegi ortaq maqsattarǵa jetýdegi belsendi rólin baǵalaımyz.
AQSh Qazaqstannyń táýelsizdigin moıyndaǵan alǵashqy elderdiń biri boldy jáne biz Qazaqstan halqymen 31 jyldyq berik dostyǵymyzdy maqtan tutamyz», - delingen quttyqtaýda.
Entonı Blınken atap ótkendeı, AQSh óńirdegi jáne odan tys jerlerdegi beıbitshilik, órkendeý jáne turaqtylyq sııaqty ortaq basymdyqtardy birge alǵa ilgeriletýdi jalǵastyra beredi.
Foto: reuters.com