AQSh maımyl sheshegin juqtyrý kórsetkishi boıynsha álemde birinshi orynǵa shyqty

NUR-SULTAN. QazAqparat - Amerıka Qurama Shtattary maımyl sheshegin juqtyrýdyń jekelegen elde tirkelgen jaǵdaılarynyń sany boıynsha álemde birinshi orynǵa shyqty, dep habarlaıdy COVID-19 taralýyna jol bermeý jónindegi VAK baspasóz qyzmeti.

Buǵan deıin Aýrýlardy baqylaý jáne aldyn alý ortalyǵy AQSh-ta vırýstyq aýrýdyń taralýy týraly derekterdi jańartty. Sońǵy málimetter boıynsha, elde maımyl sheshegin juqtyrýdyń 3 487 jaǵdaıy anyqtaldy. Jaǵdaılardyń eń kóp sany Nıý-Iork (990), Kalıfornııa (356) jáne Illınoıs (344) shtattarynda tirkeldi.

Infektsııany juqtyrý jaǵdaılarynyń kóbeıýi testileýdi ótkizý úshin múmkindikterdiń keńeıýi aıasynda jáne álemde aýrýdyń ósýine baılanysty oryn alady. Sarapshylar ınfektsııany juqtyrýdyń naqty sany aıtarlyqtaı joǵary bolýy múmkin deıdi.

Dúnıejúzilik densaýlyq saqtaý uıymy (DDU) álemde maımyl shesheginiń taralýyn toqtatýǵa bolady dep sanaıdy. Bul týraly DDU sheshekpen kúres jónindegi hatshylyǵynyń basshysy Rozamýnd Lıýıs málimdedi.

«Qazirgi ýaqytta biz maımyl shesheginiń órshýin qajetti toptarǵa qatysty durys strategııalardy qoldaný arqyly toqtatýǵa bolady dep sanaımyz, biraq ýaqyt ótip jatyr jáne bul úshin bárimiz birigýimiz kerek», - dedi Lıýıs.

Ol DDU sheshekpen kúresýdiń jahandyq úılestirý tetigin jasap jatqanyn, biraq ázirge bári talqylaý deńgeıinde ekenin aıtty.

Parıjde Frantsııadaǵy alǵashqy maımyl sheshegine qarsy vaktsınatsııalaý ortalyǵy ashyldy. Kún saıyn 200-300 adamdy egý josparlanýda.

Qazirgi ýaqytta Frantsııada 1700 jaǵdaı tirkelgen. Parıjdi qala mańymen qamtıtyn Il-de-Frans aımaǵy eń problemaly bolyp sanalady. Munda vaktsınanyń shamamen 300 myń dozasy qajet, deıdi mamandar.

Buǵan deıin bılik qaýipti toptardyń ókilderinen maımyl sheshegine qarsy ekpe alýdy ótingen. Mundaı toptarǵa eń aldymen gomoseksýaldar, transgender jáne jezókshelikpen aınalysatyn adamdar kiredi.