AQSh qorlary málimetterine baılanysty munaı baǵasy ósip keledi

ASTANA. QazAqparat - AQSh-taǵy munaı qory boıynsha Amerıkalyq munaı ınstıtýtynyń statıstıkalyq málimetterine baılanysty «qara altyn» baǵasy ósip keledi, dep habarlady RIA Novostı.

Jeltoqsan fıýchersteriniń Brent markaly munaı barreline degen baǵasy 0,93% - 52,16 dollarǵa deıin ósti. Qarasha fıýchersteriniń WTI markaly munaı barreline degen baǵasy 0,95% - 50,77 dollarǵa deıin ósti.

API aqparatynsha, elde ótken aptada munaı qory 3,8 mıllıon barrelge 467,1 mıllıon barrelge deıin kemigen. Sarapshylar bul kórsetkish 2,1 mıllıon barrelge artady dep baǵalaǵan.

API habarlaýynsha, eldegi iri Kýshıng (Cushing) termınalyndaǵy qor 1,96 mıllıon barrelge tómendegen. Bul 2014 jyldyń aqpanynan bolǵan eń tómengi túsim. Sarapshylar ındıkator 1,4 mıllıon barrelge deıin ǵana tómendeıdi dep oılaǵan. Esep kezeńinde janar-jaǵar maı qory 929 myń barrelge ósti.