AQSh qor bırjasyndaǵy ındekstiń tómendeýi ınvestorlardy dúrliktirdi

ASTANA. QazAqparat - Amerıkalyq Doý-Djons qor bırjasy ındeksiniń tómendeýi ınvestorlardy ábigerge saldy, dep jazady VVS.

Dúısenbi kúni Doý-Djonstyń ındeksi 1175 pýnktqa deıin túsip ketti.  Bul AQSh qor naryǵyndaǵy 2008 jylǵy qarjy daǵdarysynan beri bolǵan alǵashqy jaǵdaı.

Qazirgi kezde ınvestorlar negizgi qarjy mólsherlemesiniń ósýine alyp keletin ekonomıkalyq boljamdarǵa nazar aýdarýda.

Doý-Djonstan keıin amerıkanyń basqa qor bırjalaryndaǵy baǵanyń tómendeý belgileri baıqaldy. Máselen, S&P ındekisi 3,8%, Nasdaq - 3,7% tústi.

Bul máselege qatysty Aq úı ókili Sı-en-bı-sıge bergen suhbatynda Doý-Djons ındeksiniń qulaýyna alańdaýshylyq bildiretinin aıtty.

«Kapıtal naryǵynyń tómendeýi alańdaýshylyq týdyrady, alaıda biz jalpy ekonomıkanyń negizgi kórsetkishterine senemiz», - dedi sheneýnik.